ԿԳՄՍ նախարար Ժաննա Անդրեասյանն այսօր մասնակցել է Երևանում անցկացվող ամենամյա Silicon Mountains 2024 տեխնոլոգիական գագաթնաժողովին՝ որպես պանելային քննարկման բանախոս: Քննարկումը վերաբերել է արհեստական բանականության ազդեցությանը Հայաստանում արտադրության, տնտեսության, կրթության և այլ ոլորտների վրա։ Տեղեկացնում է նախարարությունը:

Ըստ հաղորդագրության, անդրադառնալով կրթության համակարգում արհեստական բանականության կիրառությանը և մարտահրավերներին՝ ԿԳՄՍ նախարարը շեշտել է՝ որևէ իրողության և նոր մոտեցման ծայրահեղացումն արդարացված չէ:

«Մենք պետք է հասկանանք յուրաքանչյուր տեխնոլոգիայի սահմաններն ու հնարավորությունները և պատասխանատու որոշումներով կարողանանք վերահսկել հետևանքները, որոնք մեզ համար ցանկալի չեն»,- ասել է ԿԳՄՍ նախարարը: