ԱՄՆ-ում անցկացված հետազոտությունը մանրամասն պատկեր է ներկայացնում այն մասին, թե ինչպես են ԱՄՆ դեռահասները օգտագործում չաթբոտերը և ինչպես են գնահատում դրանց ազդեցությունը։

Ըստ Forbs -ի, հարցված 10-ից 6-ը նշել է, որ չաթբոտեր օգտագործում են տեղեկատվություն որոնելու համար։ 54%-ը ասում է, որ դրանք օգտագործում են «տնային առաջադրանքներին օգնելու» նպատակով, իսկ 47%-ը՝ «զվարճանքի կամ ժամանցի» համար։ Այն ուսուցիչները, որոնց հետ ես զրուցել եմ, նշել են, որ այս թվերը իրենց բավական ցածր են թվում։

Արհեստական բանականությամբ զբաղվող ընկերությունները կարծես ուսանողներին «օգնելու» շուկան աճող հնարավորություն են համարում։ Օրինակ՝ Companion Inc ընկերության Einstein հավելվածը ներկայացվում էր այսպիսի խոստումով․ այն ամեն օր մուտք է գործում Canvas հարթակ, դիտում դասախոսությունները, կարդում էսսեները, գրում աշխատանքներ, մասնակցում քննարկումներին և ավտոմատ կերպով հանձնում տնային առաջադրանքները։
Սոցիալական ցանցերում քննադատությունից հետո ընկերությունը, կարծես, վերանայում է իր մոտեցումը, և ներկայումս Einstein-ի կայքը հասանելի չէ։ Սակայն շատ ԱԲ ընկերություններ շարունակում են առաջարկել տնային առաջադրանքներին «օգնելու» կամ «դասավանդման» ավելի մեղմ ձևակերպումներով ծառայություններ։

Հետազոտության համաձայն՝ դեռահասների 42%-ը չաթբոտեր օգտագործում է հոդվածները, գրքերը կամ տեսանյութերը ամփոփելու համար։ Միայն 38%-ն է հայտնել, որ ԱԲ – ն օգտագործում է պատկերներ կամ տեսանյութեր ստեղծելու կամ խմբագրելու նպատակով։ Իսկ յուրաքանչյուր տասից միայն մեկն էր նշել, որ չաթբոտերին դիմում է հուզական աջակցության կամ խորհրդի համար։ Սա զգալիորեն ավելի ցածր ցուցանիշ է, քան որոշ այլ հետազոտություններում, որտեղ նշվում էր, որ չաթբոտ «ուղեկիցների» օգտագործումը ուսանողների շրջանում շատ ավելի տարածված է։