Նոյեմբերի 4-ին Ազգային ժողովի Գիտության, կրթության, մշակույթի, սփյուռքի, երիտասարդության և սպորտի ու Ֆինանսավարկային և բյուջետային հարցերի մշտական հանձնաժողովների համատեղ նիստում ԿԳՄՍ նախարաը ներկայացրեց 2026 թվականի ՀՀ պետական բյուջեի նախագիծը:

Ըստ 2026 թվականի նախագծի, ԿԳՄՍ ոլորտին նախատեսվում է հատկացնել 420 մլրդ 224 մլն դրամ՝ 200-ից ավել միջոցառումների իրականացման համար, որը կազմում է 2026 թվականի պետական բյուջեի 11․6%։ 2025 թվականի համեմատ ավելի է 16%-ով։

ԿԳՄՍ նախարարությանը հատկացվող ծախսերի 85% – ն ուղվելու է կրթությանը՝ 356 մլրդ դրամ։ Կրթության ոլորտի ծախսերը կազմելու են ՀՆԱ-ի մոտ 3%-ը:

2026 թվականին ուսուցիչների խրախուսման համար նախատեսվում է ծախսել 20 մլրդ դրամ, որը 2 անգամ ավելի է 2024 թվականի համեմատ։

Նախատեսվում է 12000 կամավոր ատեստավորված և բարձր վարձատրվող ուսուցիչ։ Շարունակվելու են գործել հավելավճարների ծրագրերը։

Նախարարը ներկայացրել է նաև համակարգի արդյունավետությանն ուղղված քայլերը, ինստիտուցիոնալ բարեփոխումները, ուսուցչական կազմի գիտելիքների ու կարողությունների ամրապնդմանն ուղղված միջոցառումներն ու այլ ծրագրեր:

Էլենա Հարությունյան