Դպրոցի վճարը հիմա ամենաթանկն է հարուստ թոշակառուների համար,- գնահատում է Բրիտանական «Թելեգրաֆը»՝ հղում անելով ուսման վարձերի վերաբերյալ հետազոտությանը։ Բրիտանացի տատիկներն ու պապիկները, սակայն, ըստ թերթի, ամեն գնով խնայողություններ են անում, որպեսզի իրենց թոռնիկները ստանան լավ կրթություն։
«Թելեգրաֆի» փորձագիտական խումբը պարզել է՝ 2022-ի համեմատ ուսման վարձերը դրամատիկ կերպով թանկացել են 77 տոկոսով։
«Պրեմիում կրեդիտ» ընկերոթյունը, որը տրամադրում է դպրոցական վարկեր, անցած տարվա համեմատ 13 տոկոսով բարձրացրել է տոկոսադրույքը։ Բայց ֆինանսական բարդությունները չեն խանգարում, որ ընտանիքները նախընտրեն բարձրակարգ կրթօջախներ․ 2022-ին վարկ ստացողների թիվն, ըստ «Թելեգրաֆի», 2021-ի համեմատ աճել է 84 տոկոսով։ Միջին վարկը եղել է 8000 ֆունտ ստերլինգ։
Մեծ Բրիտանիայի Անկախ դպրոցների խորհրդի հրապարակված տվյալներով՝ աշակերտների թիվն, այս ամենով հանդերձ, ավելացել է 18 տոկոսով։
Նոր մեկնաբանություն