Կալիֆոռնիայի դպրոցներում 2026 թվականից պետք է պարտադիր կերպով խստացվի դպրոցում սմարթֆոնների կիրառությունը։ Կալիֆոռնիայի դեմոկրատ նահանգապետ Նյուսոմի որոշումը դպրոցներին այլընտրանք չի թողնում։ Այս քայլի հիմքում կիբեր հարձակումներն ու երեխաների հոգեկան անվտանգության հետ կապված խնդիրներն են։ Գրում է The New York Times պարբերականը։

Ապրիլին Կալիֆոռնիայում անցկացրած հարցումների ժամանակ ավագ դպրոցի ուսուցիչների 72 տոկոսը, իսկ միջին դպրոցի ուսուցիչների 33 տոկոսն ասել էր, որ դասարանում մեծ խնդիր է բջջային հեռախոսի առկայությունը։

Ըստ նահանգապետի իրավական ակտի, դպրոցները յուրաքանչյուր 5 տարին մեկ պարտավոր են վերանայել կանոններն ու թարմացնել վերահսկողության մեխանիզմները։

Ավելի վաղ դպրոցներում սմարթֆոնների կիրառությունը սահմանափակող իրավական ակտեր են ընդունվել Լուիզիանայի, Ֆլորիդայի, Ինդիանայի ու մի շարք այլ նահանգներում։