Լուսանկարը՝ ՀՀ ԿԳՄՍ նախարարության
ՀՀ ԿԳՄՍ նախարարին կից աշակերտական խորհուրդը գումարել է այս տարվա ի առաջին նիստը։ Տեղեկացնում է նախարարությունն ու նշում, որ նախարար Ժաննա Անդրեասյանը կարևորել է աշակերտական խորհրդի հանդիպումները։
Ըստ հաղորդագրության, նախարարը մանրամասն անդրադարձել է հարցերին և խնդիրներին՝ շեշտելով, որ դրանց մեծ մասի պատասխաններն ու լուծումները տրվում են դպրոցներում նոր չափորոշչի ներդրմամբ և իրագործմամբ:
«Ինչքան էլ փորձենք ակտիվ համագործակցություն ձևավորել ՀԿ-ների, այլ կազմակերպությունների, կառույցների և դպրոցների միջև, այնուամենայնիվ, պետք է հասնել այն գիտակցմանը, որ բոլոր բնակավայրերի դպրոցների մեր երեխաները մտածեն՝ այն, ինչ ցանկանում են, կարող են իրագործել: Ինչն է ձեզ խանգարում ինքնուրույն խումբ ձևավորելու, զանգելու, նամակ գրելու, պայմանավորվածություն ձեռք բերելու, հետադարձ կապ ապահովելու համար: Սրանք հաղորդակցման այն կարևոր հմտություններն և կարողություններն են, որոնք կյանքի տարբեր իրավիճակներում անհրաժեշտ են մեզնից յուրաքանչյուրին»,- ասել է Ժաննա Անդրեասյանը և հորդորել աշակերտներին լինել առավել ակտիվ, նախաձեռնող ու նպատակասլաց:
