Լուսանկարը՝ Բրուկլինի կոնսերվատորիայի
Նյու Յորքում գործող երաժշտական կոնսերվատորիան սկսել է 12.000 քմ տարածքով մասնաշենքի կառուցումը։ Նախատեսվում է կրկնապատկել կազմակերպության կարողությունները բարձրորակ երաժշտական թերապիա և կրթական ծրագրեր իրականացնելու գործում։ Նոր համալիրը կունենա 13 ստուդիա, համերգասրահ և համայնքային տարածք՝ լիովին հարմարեցված հատուկ կարիք ունեցողների համար։
Նախատեսվում է նոր շենքը դարձնել Երաժշտական թերապիայի ինստիտուտի պաշտոնական կենտրոնը։ Ինստիտուտը կգործի ազգային մակարդակով՝ դառնալով ստեղծագործական արվեստների կլինիկական թերապիայի հետազոտության, մասնագիտական պատրաստման և քարոզչության կենտրոն։
Նախաձեռնությունը հովանավորող հիմնադրամը հայտարարել է, որ երաժշտական թերապիայի նոր ինստիտուտը կդառնա ազգային մոդել՝ ցույց տալու, թե ինչպես կարող են արվեստները նպաստել մարդու զարգացմանը, կապերի ստեղծմանը և հոգեկան առողջությանը։
