«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
ՀՀ կրթական տեսչական մարմինը 2023-ին իրականացրել է 152 ստուգում․ 140-ը նախատեսված է եղել տարեկան ծրագրով։
120 դպրոցում հայտնաբերվել է օրենսդրության 1716 խախտում, 11 նախադպրոցական ուսհաստատությունում՝ 71 խախտում և 9 նախնական մասնագիտական և միջին մասնագիտական հաստատությունում՝ 89 խախտում։
Առավել հաճախ խախտումները վերաբերում են սաների համակազմի ու մանկավարժական աշխատողների ձևավորմանը, ֆիզիկական միջավայրին։ Դպրոցների պարագայում՝ մանկավարժական աշխատողների նշանակմանը, խորհրդակցական մարմինների ձևավորմանը և գործունեությանը, պաշտոնային պարտականությունների կատարմանը։
2023 թվականին կրթության տեսչական մարմինը 52 դպրոցի վերաբերյալ բողոք է ստացել։ 28 բողոք (42 %) վերաբերել է տնօրենի թույլ տված ապօրինություններին և անարդյունավետ աշխատանքին։ Բողոքներ են եղել նաև երեխայի իրավունքների ոտնահարման, մանկավարժական աշխատողների պարտականությունների կատարման, դրամահավաքության վերաբերյալ։
