Այսօրվա աշխատաշուկան ստիպում է վերանայել նոր սերունդներին ֆորմալ կրթական համակարգերի ապահոված գիտելիքով սահմանափակվելու միտումները։ Նման դիրքորոշում է հայտնել Ֆորբսում հրապարակված հոդվածի հեղինակը՝ National Fire Protection Association (NFPA) ընկերության նախագահ և գլխավոր տնօրեն Ջիմ Փըրլին։

Նա ուշադրություն է հրավիրում այն հանգամանքին, որ այսօրվա աշխատաշուկայում անչափ կարևոր է գործատուների ջանքը՝ նոր աշխատակիցների համար լրացուցիչ դասընթացներ կազմակերպելու համար, քանի որ թվային աշխարհում ամեն ինչ շատ արագ է փոխվում։

Ավելի վաղ Ուսանողների միջազգային գնահատման ծրագիրը (PISA) որոշել էր, որ հաջորդ տարի աշխարհի տարբեր երկրներից հրավիրված կրթության մասնագետների հետ քննարկվելու են թվային տեխնոլոգիաների միջոցով լեզուների ինքնուրույն ուսուցման ու գնահատման վերաբերյալ հարցեր։