Կրթական տեխնոլոգիաների ազգային կենտրոնի (ԿՏԱԿ) տնօրեն Արտակ Պողոսյանը mediaforedu.am-ին ուղարկած գրավոր պատասխանով վերահաստատել է, որ էլեկտրոնային եղանակով անցկացվելիք հաջորդ թեստավորման ժամանակ թեստի վերևում կնշվի, թե քանի հարցի է պետք պատասխանել:

Արտակ Պողոսյանը, թեև 2-րդ անգամ նույնպես չմասնակցեց ուսուցչի հետ բանավեճի՝ մեր հրավերին, հունվարի 8-ին mediaforedu.am-ին բանավոր հայտնել էր, որ ուսուցիչների վկայակոչած խնդիրները կլուծվեն: Նկատի ունենալով ուսուցիչների թերահավատությունը, mediaforedu.am-ը խնդրել էր վերահաստատել նաև գրավոր:

«Չպատասխանված հարցերը ավելի ակնառու դարձնելու համար կդիտարկենք նաև այլ հնարավոր տարբերակներ: Ուսուցիչների առաջարկների մեծ մասը հենց այդ հարցին է վերաբերվել, սակայն կան նաև լավարկման այլ ուղղություններ, մասնավորապես՝ բողոքարկման մեխանիզմը, թեստի արդյունքների ցուցադրման մեխանիզմը»,- պատասխան գրությամբ հավաստիացնում է ԿՏԱԿ տնօրենը:

Իրավիճակ է փոխվել

Արտակ Պողոսյանին կրկին հարցում ուղարկելու առիթը նախորդ պատասխանի և ԿԳՄՍ նախարարության հղման անհամապատասխանությունն էր և խնդիրների առկայության պնդումները չընդունելու նախնական դիրքորոշումը: Սակայն շարունակված նամակագրությունը, հրապարակումներն ու ուսուցիչների ակտիվությունը ստիպեցին, որ փոխվի այս հարցի նկատմամբ մոտեցումը: Ըստ էության, այս պահին դեռ ԿՏԱԿ-ի պաշտոնական խոստում- պատրաստակամությունը տալիս է էլեկտրոնային եղանակով անցկացվելիք հաջորդ թեստավորման ժամանակ խնդիրների լուծման հիմք:

Պատմություն

mediaforedu.am-ը Հայաստանում առաջին անգամ էլեկտրոնային եղանակով անցկացված թեստավորման վերաբերյալ խնդրին սկսեց անդրադառնալ նախ ՀՀ վարչապետի «Գնդակահարության պատին» Karine Zhamakochyan անուն-ազգանունով հանդես եկող օգտատիրոջ գրառման հիմքով:

Ուսուցիչը գրել էր, որ մասնակցել է կամավոր ատեստավորմանը, պատասխանել միայն 13 առաջադրանքի, հաջորդ առաջադրանքները չի տեսել, քանի որ էկրանի վրա նշում չի եղել, որ կան այլ հարցեր ևս: Քանի որ ՀՀ վարչապետին ուղղված հարցադրումից ակնհայտ էր, որ ուսուցիչն անհրաժեշտ միավորները չի հավաքել տեխնիկական խոտանի պատճառով, ՀՀ ԿԳՄՍ նախարարությանը խնդրել էինք գրավոր պատասխանել այս իրավիճակի հետ կապված հարցերին՝ ստիպված 4 անգամ կրկնելով թերությանների ու դրանց վերացման վերաբերյալ պարզ հարցերը:

Նամակագրությունը շարունակելի է, քանի դեռ բոլոր հարցերի պատասխանները չեն տրվել ՀՀ Սահմանադրության և «Տեղեկատվության ազատության մասին» ՀՀ օրենքի ուժով:

Կարևոր է էլեկտրոնային եղանակով անցկացվելիք թեստավորման հետ կապված խնդիրների վերացման խոստումների կատարման փաստական առկայությունը:

Ուսուցիչների ատեստավորման գործընթացի ակտիվացման համար պետք է լուծվեն բոլոր խնդիրները: Հատկապես երբ ՀՀ պետական բյուջեով վերջին տարիներին ավելացել են ատեստավորման համար հատկացված ծախսերը:

Անուշ Մարտիրոսյան

Կրթական տեխնոլոգիաների ազգային կենտրոնի (ԿՏԱԿ) տնօրեն Արտակ Պողոսյանը mediaforedu.am-ին ուղարկած գրավոր պատասխանով վերահաստատել է, որ էլեկտրոնային եղանակով անցկացվելիք հաջորդ թեստավորման ժամանակ թեստի վերևում կնշվի, թե քանի հարցի է պետք պատասխանել:

Արտակ Պողոսյանը, թեև 2-րդ անգամ նույնպես չմասնակցեց ուսուցչի հետ բանավեճի՝ մեր հրավերին, հունվարի 8-ին mediaforedu.am-ին բանավոր հայտնել էր, որ ուսուցիչների վկայակոչած խնդիրները կլուծվեն: Նկատի ունենալով ուսուցիչների թերահավատությունը, mediaforedu.am-ը խնդրել էր վերահաստատել նաև գրավոր:

«Չպատասխանված հարցերը ավելի ակնառու դարձնելու համար կդիտարկենք նաև այլ հնարավոր տարբերակներ: Ուսուցիչների առաջարկների մեծ մասը հենց այդ հարցին է վերաբերվել, սակայն կան նաև լավարկման այլ ուղղություններ, մասնավորապես՝ բողոքարկման մեխանիզմը, թեստի արդյունքների ցուցադրման մեխանիզմը»,- պատասխան գրությամբ հավաստիացնում է ԿՏԱԿ տնօրենը:

Իրավիճակ է փոխվել

Արտակ Պողոսյանին կրկին հարցում ուղարկելու առիթը նախորդ պատասխանի և ԿԳՄՍ նախարարության հղման անհամապատասխանությունն էր և խնդիրների առկայության պնդումները չընդունելու նախնական դիրքորոշումը: Սակայն շարունակված նամակագրությունը, հրապարակումներն ու ուսուցիչների ակտիվությունը ստիպեցին, որ փոխվի այս հարցի նկատմամբ մոտեցումը: Ըստ էության, այս պահին դեռ ԿՏԱԿ-ի պաշտոնական խոստում- պատրաստակամությունը տալիս է էլեկտրոնային եղանակով անցկացվելիք հաջորդ թեստավորման ժամանակ խնդիրների լուծման հիմք:

Պատմություն

mediaforedu.am-ը Հայաստանում առաջին անգամ էլեկտրոնային եղանակով անցկացված թեստավորման վերաբերյալ խնդրին սկսեց անդրադառնալ նախ ՀՀ վարչապետի «Գնդակահարության պատին» Karine Zhamakochyan անուն-ազգանունով հանդես եկող օգտատիրոջ գրառման հիմքով:

Ուսուցիչը գրել էր, որ մասնակցել է կամավոր ատեստավորմանը, պատասխանել միայն 13 առաջադրանքի, հաջորդ առաջադրանքները չի տեսել, քանի որ էկրանի վրա նշում չի եղել, որ կան այլ հարցեր ևս: Քանի որ ՀՀ վարչապետին ուղղված հարցադրումից ակնհայտ էր, որ ուսուցիչն անհրաժեշտ միավորները չի հավաքել տեխնիկական խոտանի պատճառով, ՀՀ ԿԳՄՍ նախարարությանը խնդրել էինք գրավոր պատասխանել այս իրավիճակի հետ կապված հարցերին՝ ստիպված 4 անգամ կրկնելով թերությանների ու դրանց վերացման վերաբերյալ պարզ հարցերը:

Նամակագրությունը շարունակելի է, քանի դեռ բոլոր հարցերի պատասխանները չեն տրվել ՀՀ Սահմանադրության և «Տեղեկատվության ազատության մասին» ՀՀ օրենքի ուժով:

Կարևոր է էլեկտրոնային եղանակով անցկացվելիք թեստավորման հետ կապված խնդիրների վերացման խոստումների կատարման փաստական առկայությունը:

Ուսուցիչների ատեստավորման գործընթացի ակտիվացման համար պետք է լուծվեն բոլոր խնդիրները: Հատկապես երբ ՀՀ պետական բյուջեով վերջին տարիներին ավելացել են ատեստավորման համար հատկացված ծախսերը:

Անուշ Մարտիրոսյան