Աշխարհի տարբեր երկրներում երիտասարդ ուսուցիչների թիվը հիմնականում նվազում է կարիերայի առաջին հինգ տարում։

Տնտեսական համագործակցության և զարգացման (ՏՀԶԿ) «Կրթության և ուսուցման միջազգային հարցումը» (TALIS) ցույց է տվել, որ մինչև 30 տարեկան ուսուցիչները շատ ավելի հաճախ են հեռանում ոլորտից, քան 30-49 տարեկան իրենց գործընկերները։ Հարցումն անցկացվել է 2024 թվականին, 55 կրթական համակարգերում՝ ներգրավելով մոտ 280 հազար ուսուցչի և 17 հազար միջնակարգ դպրոցի ղեկավարի:

Լատվիայում, Լիտվայում և Էստոնիայում մինչև 30 տարեկան ուսուցիչների ավելի քան 40 տոկոսը հայտնել է, որ մտադիր է հեռանալ աշխատանքից։

Հարցված երիտասարդների հիմնական պատճառներն են․

ՏՀԶԿ-ի տվյալներով՝ ԵՄ-ում ուսուցիչների միջին տարիքը մոտ 45 տարեկան է: Էստոնիայում, Հունգարիայում, Լատվիայում, Լիտվայում և Պորտուգալիայում ուսուցիչների կեսից ավելին 50 տարեկանից բարձր է։ Սա առաջիկա 10-15 տարում կարող է հանգեցնել ուսուցիչների լուրջ պակասի, քանի որ նրանց մեծ մասը կհասնի թոշակի տարիքի։

Այս մարտահրավերին դիմակայելու նպատակով մի շարք երկրներ սկսել են ուսուցիչներ ներգրավել այլ ոլորտներից։ Օրինակ՝ Բուլղարիայում 2018-2024 թվականներին 13 տոկոսով աճել է այն միջնակարգ ուսուցիչների թիվը, որոնք նախկինում աշխատել են ոչ կրթական ոլորտներում։

Ֆրանսիան միակ երկիրն է, որտեղ ուսուցիչների լքված հաստիքի ցուցանիշը նվազել է՝ 2018-ի 21 %-ից 2024-ին հասնելով 17 %-ի։