Բացառապես ագրեսիա սերմանող մարտաֆիլմերով հայտնի, որպես դերասան, ռեժիսոր, պրոդյուսեր ներկայացող, Երևանի նախկին քաղաքապետ Տարոն Մարգարյանի խորհրդական Գոռ Վարդանյանն իր ֆեյսբուքյան էջում ամիսներ շարունակ գովազդում է իր նոր մարտաֆիլմը։ Հայտարարել է, որ այն այսօրվանից եթեր դուրս կգա։

Պարբերաբար տարածված մինչև մեկ րոպեանոց հատվածներում փողոցային բառապաշարով երկխոսություններ են, քրեական աշխարհը ներկայացնող կերպարներ, ժարգոնով ռազբորկաներ, ընդհուպ՝ ձեռնամարտեր՝ ակնհայտ դաժանությամբ։ Դժվար է ասել, որ այս ֆիլմում կան դրական կերպարներ։ Համենայնդեպս, տարածված փոքրիկ պատառիկներում որևէ դրական կերպար չի երևում։ Բոլորն են այս հատվածներում, գոնե առաջին տպավորությունից, բացասական կերպարի մեջ։ Ֆիլմի հերոսները մականուններով են, այդ թվում երեխաները, և անընդհատ բռնություն է ցուցադրվում։

Ցանկացած ծնող պետք է, որ երազեր՝ իր երեխան երբևէ ոչ միայն շփում չունենա, այլև անգամ հեռվից հեռու չտեսնի նման վարքագիծ դրսևորող մարդկանց ու չհայտնվի նման իրավիճակներում։ Մինչդեռ այս ֆիլմը տարածում է, մեղմ ասած, կոնֆլիկտային հարաբերությունների «գաղափարը»։ Գովազդային կտորներից երևում է, որ նաև տասնյակ անչափահաս երեխաներ են նկարահանվել։

Ենթադրաբար, այդ երեխաներին ֆիլմում նկարահանելու համար ստացել են ծնողների համաձայնությունը։ Ինչպե՞ս։ Նրանք համաձայնել են, որ իրենց երեխաները, օրինակ, այսպիսի երկխոսություն ունենան.

Այստեղ երեխաների երկու մեծ խումբ եկել են իրար դեմ՝ «ռազբորկա» անելու։ Կարճ երկխոսությունից հետո մի քանի տասնյակ անչափահաս տղաներ իրար են ծեծում։

Դարձյալ ենթադրաբար, այս ծնողները համաձայնել են, որ իրենց պատանեկան տարիքի տղաները «գողական» բարքերով այս աշխարհը ներկայացնեն, որովհետև իրենք էլ են այդ սովորույթներով ապրում ու շատ էլ նորմալ են համարում նման ապրելակերպը, կամ տեղյակ չեն եղել, թե ինչ բովանդակության դրվագներում են երևալու իրենց երեխաները, կամ էլ փողի դիմաց են համաձայնել. գուցե չուզելով, կարիքից դրդված են գնացել այս գործարքին։

Երեք դեպքերում էլ հանցագործության տարր կա։ Բոլոր վարկածներն էլ այսօր կրթության զարգացման մասին նույնիսկ խոսքուզրույցը տապալված են դարձնում, ուր մնաց՝ ծրագրերի ու ռամավարության մասին հույսից խոսենք։

Այս անթույլատրելի բովանդակությամբ ֆիլմն այսօրվանից ամբողջությամբ ցուցադրվելու է։ Բնականաբար, կասկած էլ չկա, որ բարձր դիտողականություն կունենա։ Տարածված վիդեոհատվածների տակ քննադատող, տագնապած մեկնաբանություններ են թողել նրանք, որոնց համար անընդունելի են եղել նաև «Կիսաբաց լուսամուտներ» հաղորդաշարը, Դոգի եթերներն ու հայկական հեռուստատեսության գրեթե նույնաբովանդակ, բռնությամբ ու դաժանությամբ աչքի ընկնող սերիալները։ Շատերը քննադատել են հենց ֆիլմի հեղինակին՝ Գոռ Վարդանյանին, որ, ըստ մեկնաբանողների, «դեռ ինքնահաստատվելու փորձեր է անում» ու հաճախ, փաստորեն, դրա համար նաև օգտագործում է անչափահասներին։

Մեկնաբանություններում կան նաև հիացական գնահատականներ, մարդիկ են, որոնք հուսամ՝ չեն ցանկանա, որ իրենց որդին, եղբայրը, զարմիկն ու հարևանը այս միջավայրում մեծանա։

Պարզապես ֆիլմը դիտելուց հետո չասեն, թե էս ոնց եղավ, որ իրենց «քորփա երեխեն» հանցագործ դարձավ։

Կարինե Սիմոնյան

Բացառապես ագրեսիա սերմանող մարտաֆիլմերով հայտնի, որպես դերասան, ռեժիսոր, պրոդյուսեր ներկայացող, Երևանի նախկին քաղաքապետ Տարոն Մարգարյանի խորհրդական Գոռ Վարդանյանն իր ֆեյսբուքյան էջում ամիսներ շարունակ գովազդում է իր նոր մարտաֆիլմը։ Հայտարարել է, որ այն այսօրվանից եթեր դուրս կգա։

Պարբերաբար տարածված մինչև մեկ րոպեանոց հատվածներում փողոցային բառապաշարով երկխոսություններ են, քրեական աշխարհը ներկայացնող կերպարներ, ժարգոնով ռազբորկաներ, ընդհուպ՝ ձեռնամարտեր՝ ակնհայտ դաժանությամբ։ Դժվար է ասել, որ այս ֆիլմում կան դրական կերպարներ։ Համենայնդեպս, տարածված փոքրիկ պատառիկներում որևէ դրական կերպար չի երևում։ Բոլորն են այս հատվածներում, գոնե առաջին տպավորությունից, բացասական կերպարի մեջ։ Ֆիլմի հերոսները մականուններով են, այդ թվում երեխաները, և անընդհատ բռնություն է ցուցադրվում։

Ցանկացած ծնող պետք է, որ երազեր՝ իր երեխան երբևէ ոչ միայն շփում չունենա, այլև անգամ հեռվից հեռու չտեսնի նման վարքագիծ դրսևորող մարդկանց ու չհայտնվի նման իրավիճակներում։ Մինչդեռ այս ֆիլմը տարածում է, մեղմ ասած, կոնֆլիկտային հարաբերությունների «գաղափարը»։ Գովազդային կտորներից երևում է, որ նաև տասնյակ անչափահաս երեխաներ են նկարահանվել։

Ենթադրաբար, այդ երեխաներին ֆիլմում նկարահանելու համար ստացել են ծնողների համաձայնությունը։ Ինչպե՞ս։ Նրանք համաձայնել են, որ իրենց երեխաները, օրինակ, այսպիսի երկխոսություն ունենան.

Այստեղ երեխաների երկու մեծ խումբ եկել են իրար դեմ՝ «ռազբորկա» անելու։ Կարճ երկխոսությունից հետո մի քանի տասնյակ անչափահաս տղաներ իրար են ծեծում։

Դարձյալ ենթադրաբար, այս ծնողները համաձայնել են, որ իրենց պատանեկան տարիքի տղաները «գողական» բարքերով այս աշխարհը ներկայացնեն, որովհետև իրենք էլ են այդ սովորույթներով ապրում ու շատ էլ նորմալ են համարում նման ապրելակերպը, կամ տեղյակ չեն եղել, թե ինչ բովանդակության դրվագներում են երևալու իրենց երեխաները, կամ էլ փողի դիմաց են համաձայնել. գուցե չուզելով, կարիքից դրդված են գնացել այս գործարքին։

Երեք դեպքերում էլ հանցագործության տարր կա։ Բոլոր վարկածներն էլ այսօր կրթության զարգացման մասին նույնիսկ խոսքուզրույցը տապալված են դարձնում, ուր մնաց՝ ծրագրերի ու ռամավարության մասին հույսից խոսենք։

Այս անթույլատրելի բովանդակությամբ ֆիլմն այսօրվանից ամբողջությամբ ցուցադրվելու է։ Բնականաբար, կասկած էլ չկա, որ բարձր դիտողականություն կունենա։ Տարածված վիդեոհատվածների տակ քննադատող, տագնապած մեկնաբանություններ են թողել նրանք, որոնց համար անընդունելի են եղել նաև «Կիսաբաց լուսամուտներ» հաղորդաշարը, Դոգի եթերներն ու հայկական հեռուստատեսության գրեթե նույնաբովանդակ, բռնությամբ ու դաժանությամբ աչքի ընկնող սերիալները։ Շատերը քննադատել են հենց ֆիլմի հեղինակին՝ Գոռ Վարդանյանին, որ, ըստ մեկնաբանողների, «դեռ ինքնահաստատվելու փորձեր է անում» ու հաճախ, փաստորեն, դրա համար նաև օգտագործում է անչափահասներին։

Մեկնաբանություններում կան նաև հիացական գնահատականներ, մարդիկ են, որոնք հուսամ՝ չեն ցանկանա, որ իրենց որդին, եղբայրը, զարմիկն ու հարևանը այս միջավայրում մեծանա։

Պարզապես ֆիլմը դիտելուց հետո չասեն, թե էս ոնց եղավ, որ իրենց «քորփա երեխեն» հանցագործ դարձավ։

Կարինե Սիմոնյան