Գյումրիի Բ 612 արվեստանոցում գունեղ կտավների շարքը միանգամից ուշադրություն է գրավում: Փոքրիկ իշխանի մոլորակի անունով այս ստեղծագործ անկյունում ցուցադրվում են հայտնի Ջևոների ու մյուս արվեստագետների աշխատանքները:

Գունեղ կտավների հեղինակ Անի Ռաշոյանը (Ռաշան) www.mediaforedu.am -ի խնդրանքով պատմեց մեծ ուշադրություն կլանող աշխատանքների մասին:

«Հղիության ընթացքում, երբ սկսեցի այս շարքը, պայծառ, մանկական գույներ մտան իմ ներկապնակ: Հետագայում հասկացա, որ այս շարքի անունը պիտի «Մանկություն» լինի»,-ասաց Անի Ռաշոյանը:

Անին իր նկարների «Մանկություն» շարքին նայելիս՝ վերլուծում է այժմ 9-ամյա դստեր նկարչական ձիրքի կարևորությունը: «Ստեղծագործելը հանգստացնում է, արվեստային միջավայրը փոխանցվում է երեխային: Հիմա երեխան էլ է ստեղծագործում, նկարչական մրցույթում էլ է հաղթել: Պարբերաբար նկարում է, ստեղծագործում է»,- նկատում է ստեղծագործող մայրիկը:

Նկարիչ մայրիկն անչափ կարևոր է համարում երեխաներին ստեղծագործելու համար անհրաժեշտ ամեն ինչ տալը: Վերջերս փորձել են գնել Անի Ռաշոյանի հղիության ընթացքում արած նկարները, բայց չի համաձայնել: Դուստրն ամենաշատն է ուրախացել, որ իր ծնվելուն սպասող մոր նկարները մնացել են աչքի առաջ:

«Բոլոր ծնողները պետք է շատ-շատ նյութեր տան երեխաներին, թողնեն, որ ազատ ստեղծագործեն: Այնքան դրական կողմեր են բացվում երեխաների մեջ»,- ծնողների ուշադրությունն է հրավիրում մեր զրուցակիցը:

Անուշ Մարտիրոսյան

Գյումրիի Բ 612 արվեստանոցում գունեղ կտավների շարքը միանգամից ուշադրություն է գրավում: Փոքրիկ իշխանի մոլորակի անունով այս ստեղծագործ անկյունում ցուցադրվում են հայտնի Ջևոների ու մյուս արվեստագետների աշխատանքները:

Գունեղ կտավների հեղինակ Անի Ռաշոյանը (Ռաշան) www.mediaforedu.am -ի խնդրանքով պատմեց մեծ ուշադրություն կլանող աշխատանքների մասին:

«Հղիության ընթացքում, երբ սկսեցի այս շարքը, պայծառ, մանկական գույներ մտան իմ ներկապնակ: Հետագայում հասկացա, որ այս շարքի անունը պիտի «Մանկություն» լինի»,-ասաց Անի Ռաշոյանը:

Անին իր նկարների «Մանկություն» շարքին նայելիս՝ վերլուծում է այժմ 9-ամյա դստեր նկարչական ձիրքի կարևորությունը: «Ստեղծագործելը հանգստացնում է, արվեստային միջավայրը փոխանցվում է երեխային: Հիմա երեխան էլ է ստեղծագործում, նկարչական մրցույթում էլ է հաղթել: Պարբերաբար նկարում է, ստեղծագործում է»,- նկատում է ստեղծագործող մայրիկը:

Նկարիչ մայրիկն անչափ կարևոր է համարում երեխաներին ստեղծագործելու համար անհրաժեշտ ամեն ինչ տալը: Վերջերս փորձել են գնել Անի Ռաշոյանի հղիության ընթացքում արած նկարները, բայց չի համաձայնել: Դուստրն ամենաշատն է ուրախացել, որ իր ծնվելուն սպասող մոր նկարները մնացել են աչքի առաջ:

«Բոլոր ծնողները պետք է շատ-շատ նյութեր տան երեխաներին, թողնեն, որ ազատ ստեղծագործեն: Այնքան դրական կողմեր են բացվում երեխաների մեջ»,- ծնողների ուշադրությունն է հրավիրում մեր զրուցակիցը:

Անուշ Մարտիրոսյան