Լուսանկարը՝ ANSA-ի
Իտալիայի Սենատը հաստատել է օրինագիծը, որը հիմք է տալիս ուսումնական հաստատություններում դասերի ժամին սովորողներից առգրավել սմարթֆոնները։ Տեղեկացնում է իտալական ANSA լրատվական գործակալությունը։
Կրթության նախարար Ջուզեպպե Վալդիտարան հայտարարել է, որ իտալական դպրոցներում հեռախոսներն ու տաբլետներն արգելված են անգամ եթե փորձ է արվում դրանց կիրառությունը հիմնավորել կրթական նպատակներով։
Նախարարն ասել է, որ դպրոցներում սմարթֆոնների արգելքի պատճառով դասավանդողների նկատմամբ ագրեսիան ուրույն պատճառ է, որ այս հարցը կարգավորվի օրենքով։
Անցյալ տարի UNESCO-ն հրապարակել էր հետազոտության արդյունքներն ու հիմնավորել, որ դպրոցներում սմարթֆոններն ունենում են բացասական ազդեցություն։
Դպրոցներում սմարթֆոնների կիրառությունն օրենքով արգելված է Իսպանիայում, Մեծ Բրիտանիայում, Ֆրանսիայում, մի շարք այլ երկրներում։
