«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարում՝ Աբոյն գյուղը։ Հեղինակ՝ Լեին Մասթերթոնի
Շոտլանդիայի Աբերդինշիր մարզի Աբոյն գյուղում մեծ աղմուկ է բարձրացրել հատուկ կարիք ունեցող երեխաների նկարները դասարանի միասնական լուսանկարներից ջնջելը։ Տեղեկացնում է բրիտանական «Գարդիան» պարբերականը՝ մանրամասնելով, որ լուսանկարից հեռացվել է սայլակով երեխան։ Մայրը՝ Նատալի Փիննելն ասել է, որ իր սիրտը կոտրված է նման փաստից։ Նա անթույլատրելի է համարել մյուս ծնողների վերաբերմունքը, որոնք հրաժարվել են գնել դասարանի լուսանկարները՝ դա պատճառաբանելով իր երեխայի՝ անվասայլակով նկարվելու հանգամանքը։ Նրա բնորոշմամբ՝ անմարդկային է երեխայի նկատմամբ նման վերաբերմունքի դրսևորումը։
Լուսանկարչական կազմակերպությունը հրաժարվել է որևէ մեկնաբանությունից՝ հայտարարելով, որ հետաքննում է այս դեպքը:
Աբերդինշիրի մարզպետը հայտարարել է, որ անթույլատրելի է նման վերաբերմունքը։ Նա հիշեցրել է, որ դպրոցում պետք է ներառվեն բոլոր երեխաները, բոլոր երեխաները պետք է ստանան գիտելիք ու ներգրավվեն հանրային, դպրոցական կյանքում։
