Ուսուցման կերպն ու ճկունությունը դպրոցում արդյունավետ ազդեցություն են ունենում երեխաների վրա, բայց, ըստ վերջին հետազոտության, մեծ դեր չեն խաղում ֆինանսապես անապահով աշակերտների ու նրանց հարուստ հասակակիցների միջև առկա ձեռքբերումների բացը լրացնելու տեսանկյունից։ Գրում է բրիտանական «Գարդիանը»։
Վերջին տարիներին Մեծ Բրիտանիայում ու աշխարհում քաղաքականություն մշակողները հատուկ ուշադրություն են դարձնում սոցիալական ու զգայական հարցերին, բնավորության փոփոխությանը, վճռականությանը, ինքնավստահությամբ ուսուցման հնարավորությունների բարելավմանը։ Հատկապես այն դեպքում, երբ ուշադրության կենտրոնում են սոցիալապես անապահով երեխաները։
