Լուսանկարը՝ luxtimes կայքից
Լյուքսեմբուրգում նախատեսվում է կառուցել երեք նոր եվրոպական հանրային դպրոց՝ բազմալեզու սովորողների համար։ Տեղեկությունը Լյուքսեմբուրգի խորհրդարանում հրապարակել է կրթության նախարար Կլոդ Մեյշը՝ քննարկելով կրթական ոլորտում 2028 թվականի գլխավոր ծրագիրը։
Նախարարը նաև նշել է, որ ֆրանսերեն գրագիտության ուսուցման ներդրումը կլինի կրթական համակարգի լայնածավալ բարեփոխման «առաջին քայլը»։
Կրթության նախարարը հաստատել է կառավարության շարունակական աջակցությունը եվրոպական հանրային դպրոցների ստեղծմանը։
Լյուքսեմբուրգում նոր մոտեցմամբ դպրոցները հիմնված են մասնավոր եվրոպական դպրոցների համակարգի վրա: Դրանք աշակերտներին հնարավորություն են տալիս սովորել այլ լեզվով՝ ի տարբերություն Լյուքսեմբուրգի բազմալեզու ծրագրի, որի դեպքում նրանք նախ կարդալ և գրել են սովորում գերմաներեն, իսկ միջնակարգ կրթությունն անցնում են ֆրանսերեն ուսուցմամբ։
Նոր մեկնաբանություն