Արցախից բռնի տեղահանված շուրջ 350 ուսուցիչ գործուղվել է մարզեր։ Մինչ այդ ՀՀ տարբեր մարզերում ուսուցիչների թափուր տեղերը 600-ն էին։ Արմենպրեսի մամուլի սրահում ամփոփեց ԿԳՄՍՆ հանրակրթական և դպրոցական հաստատությունների համակարգման բաժնի պետ Ստաս Սարդարյանը։

Յունիսեֆի կրթության բաժնի ղեկավար Ալվարդ Պողոսյանի խոսքով՝ երեխաների՝ տևական ժամանակ բաց թողած կրթական որոշ ծրագրեր լրացնելու նպատակով Յունիսեֆը Կարմիր խաչի հայկական ներկայացուցչության հետ համատեղ փորձում է դասերից հետո իրականացնել լրացուցիչ պարապմունքներ։