«Մեդիան հանուն կրթության» ՀԿ-ն ամփոփել է Տավուշի մարզում առաջին անգամ 9-րդ դասարանի աշակերտների գրած էսսեների ուսումնասիրությամբ ի հայտ եկած խնդիրները: Նույն դասարանի տարբեր աշխատանքներում միևնույն ձևակերպումների ու նախադասությունների առկայությունը դիտարկվել է հանրակրթության որակի համատեսքտում՝ ԵՄ երկրների փորձի համեմատությամբ:

Էսսեների ուսումնասիրությունը «Կրթության ծախսեր/քննադատական մտածողության որակ» 6-ամսյա ծրագրի բովանդակային առանցքն է: Ուսումնասիրությունը, փաստացի տվյալների վրա հիմնված վերլուծությունները, ի հայտ եկած խնդիրները, գնահատականներն ու եզրակացություններն ամփոփել են ՄՀԿ նախագահ Անուշ Մարտիրոսյանը, ՀԿ համահիմնադիրներ, ուսուցիչ Նելլի Հայրապետյանը, Ստոկհոլմի համալսարանի միջազգային և համեմատական կրթության ֆակուլտետի մագիստրոս և Վալդորֆյան դպրոցի ուսուցիչ Լիլիթ Ավագյանը, հատուկ մանկավարժ Սուսաննա Դավթյանը և լրագրող Լիլիթ Հարությունյանը: