«ՀՀ կրթության մինչև 2030 թվականի զարգացման պետական ծրագիրը» հաստատելու մասին» օրենքից բխող գործողությունների նկարագրության մեջ վերջնական թիրախների խմբում է Հանրակրթության պետական չափորոշչին (ՀՊՉ) համապատասխան վերանայված բովանդակություն և վերահրատարակված դասագրքերի ստեղծումը։

Այս թիրախի ապահովմամբ ակնկալվող արդյունքն, ըստ ծրագրի թիվ 1 հավելվածի, 2030 թվականի դրությամբ սպասվող իրավիճակն է, երբ «Վերանայված բոլոր առարկայական ծրագրերը համապատասխանում են միջազգային ստանդարտներին, ուղղված են բարելավելու ուսումնառության վերջնարդյունքները և նպաստելու սովորողի մասնագիտական կողմնորոշմանը»:

Ըստ հավելվածի, 2023 թ. դրությամբ, ԿԳՄՍ-ն նշել է, թե «Ուսումնական նյութերի, այդ թվում՝ դասագրքերի, մշակման գործընթացն ապահովող վերանայված օրենսդրությունը՝ ուղղված ճկունության և մրցակցության ապահովմանը, առկա է»։

Ծրագրի հավելվածով, 2023-2030 թվականներին է վերաբերում դասագրքերի վերահրատարակման ակնկալվող արդյունքը: Պաշտոնական փաստաթղթում այն ձևակերպված է այսպես. «Վերանայված առարկայական չափորոշիչներին, ծրագրերին և սահմանված ստանդարտներին համապատասխան ստեղծված և վերահրատարակված են հանրակրթական առարկաների դասագրքեր՝ 2023 թ. 2-րդ, 5-րդ, 7-րդ, 10-րդ դասարանների, 2024 թ. 3-րդ, 6-րդ, 8-րդ, 11-րդ դասարանների, 2026 թ. բոլոր դասարանների համար»։

Ըստ «2023 թվականի պետական բյուջեի մասին» օրենքի հավելվածի՝ արդյունքային ցուցանիշների փաստացի արժեքների՝ «Հանրակրթություն» ծրագրի կրթական հաստատությունների աշակերտներին դասագրքերով և ուսումնական գրականությամբ ապահովման շնորհիվ 2-րդ դասարանին տրամադրվել է 9 անուն դասագիրք, 5-րդ, 7-րդ, 10-րդ դասարաններին՝ 55 անուն դասագիրք։

2023-ից ԿԳՄՍ-ն հայտարարել է դասագրքերի ստեղծման դրամաշնորհային մրցույթներ (1, 2 )

2024 թվականի տարեկան ճշտված պլանի տվյալներով, 2-րդ, 3-րդ, 5-րդ, 6-րդ, 7-րդ, 8-րդ, 10-րդ դասարաններին տրամադրվել է 142 անուն դասագրքեր։

2025 թվականի բյուջեի նախագծով 1-ին, 4-րդ, 9-րդ, 11-րդ, 12-րդ դասարանների համար նախատեսվել է 146 անուն դասագրքերի ձեռքբերում, իսկ 2026 թվականին՝ բոլոր դասարանների սովորողների համար։

2023 թվականին այս միջոցառմանը, ըստ պետական բյուջեի մասին օրենքի հավելվածի, ուղղվել է 1,1 մլրդ դրամ դասագրքերի և տետրերի ձեռք բերման համար, 2024 թվականին կուղղվի 1,6 մլրդ դրամ, իսկ 2025 թվականին նախատեսվել է ուղղել 1,5 մլրդ դրամ։

Դասագրքերի գնահատման հանձնաժողովի կազմավորման և գործունեության իրականցման համար ուղղված ֆիանանսավորումը բացակայում է պետական բյուջեի հավելվածներից։

25․03․2025 թվականին «Մեդիան հանուն կրթության» ՀԿ-ն հարցում է ուղղարկել ԿԳՄՍ նախարարություն՝ խնդրելով տեղեկություններ տրամադրել 2023-2024 թթ․ նոր չափորոշչին համապատասխան դասագրքերի ստեղծմանն ուղղված բյուջետային հատկացումների, 2023-2024 թթ․ նոր չափորոշիչին համապատասխան ստեղծված դասագրքերի քանակի, դասագրքերի գնահատման հանձնաժողովների անդամների թվի և հանձնաժողովին հատկացված բյուջետային հատկացումների վերաբերյալ։

Էլենա Հարությունյան

«ՀՀ կրթության մինչև 2030 թվականի զարգացման պետական ծրագիրը» հաստատելու մասին» օրենքից բխող գործողությունների նկարագրության մեջ վերջնական թիրախների խմբում է Հանրակրթության պետական չափորոշչին (ՀՊՉ) համապատասխան վերանայված բովանդակություն և վերահրատարակված դասագրքերի ստեղծումը։

Այս թիրախի ապահովմամբ ակնկալվող արդյունքն, ըստ ծրագրի թիվ 1 հավելվածի, 2030 թվականի դրությամբ սպասվող իրավիճակն է, երբ «Վերանայված բոլոր առարկայական ծրագրերը համապատասխանում են միջազգային ստանդարտներին, ուղղված են բարելավելու ուսումնառության վերջնարդյունքները և նպաստելու սովորողի մասնագիտական կողմնորոշմանը»:

Ըստ հավելվածի, 2023 թ. դրությամբ, ԿԳՄՍ-ն նշել է, թե «Ուսումնական նյութերի, այդ թվում՝ դասագրքերի, մշակման գործընթացն ապահովող վերանայված օրենսդրությունը՝ ուղղված ճկունության և մրցակցության ապահովմանը, առկա է»։

Ծրագրի հավելվածով, 2023-2030 թվականներին է վերաբերում դասագրքերի վերահրատարակման ակնկալվող արդյունքը: Պաշտոնական փաստաթղթում այն ձևակերպված է այսպես. «Վերանայված առարկայական չափորոշիչներին, ծրագրերին և սահմանված ստանդարտներին համապատասխան ստեղծված և վերահրատարակված են հանրակրթական առարկաների դասագրքեր՝ 2023 թ. 2-րդ, 5-րդ, 7-րդ, 10-րդ դասարանների, 2024 թ. 3-րդ, 6-րդ, 8-րդ, 11-րդ դասարանների, 2026 թ. բոլոր դասարանների համար»։

Ըստ «2023 թվականի պետական բյուջեի մասին» օրենքի հավելվածի՝ արդյունքային ցուցանիշների փաստացի արժեքների՝ «Հանրակրթություն» ծրագրի կրթական հաստատությունների աշակերտներին դասագրքերով և ուսումնական գրականությամբ ապահովման շնորհիվ 2-րդ դասարանին տրամադրվել է 9 անուն դասագիրք, 5-րդ, 7-րդ, 10-րդ դասարաններին՝ 55 անուն դասագիրք։

2023-ից ԿԳՄՍ-ն հայտարարել է դասագրքերի ստեղծման դրամաշնորհային մրցույթներ (1, 2 )

2024 թվականի տարեկան ճշտված պլանի տվյալներով, 2-րդ, 3-րդ, 5-րդ, 6-րդ, 7-րդ, 8-րդ, 10-րդ դասարաններին տրամադրվել է 142 անուն դասագրքեր։

2025 թվականի բյուջեի նախագծով 1-ին, 4-րդ, 9-րդ, 11-րդ, 12-րդ դասարանների համար նախատեսվել է 146 անուն դասագրքերի ձեռքբերում, իսկ 2026 թվականին՝ բոլոր դասարանների սովորողների համար։

2023 թվականին այս միջոցառմանը, ըստ պետական բյուջեի մասին օրենքի հավելվածի, ուղղվել է 1,1 մլրդ դրամ դասագրքերի և տետրերի ձեռք բերման համար, 2024 թվականին կուղղվի 1,6 մլրդ դրամ, իսկ 2025 թվականին նախատեսվել է ուղղել 1,5 մլրդ դրամ։

Դասագրքերի գնահատման հանձնաժողովի կազմավորման և գործունեության իրականցման համար ուղղված ֆիանանսավորումը բացակայում է պետական բյուջեի հավելվածներից։

25․03․2025 թվականին «Մեդիան հանուն կրթության» ՀԿ-ն հարցում է ուղղարկել ԿԳՄՍ նախարարություն՝ խնդրելով տեղեկություններ տրամադրել 2023-2024 թթ․ նոր չափորոշչին համապատասխան դասագրքերի ստեղծմանն ուղղված բյուջետային հատկացումների, 2023-2024 թթ․ նոր չափորոշիչին համապատասխան ստեղծված դասագրքերի քանակի, դասագրքերի գնահատման հանձնաժողովների անդամների թվի և հանձնաժողովին հատկացված բյուջետային հատկացումների վերաբերյալ։

Էլենա Հարությունյան